瑞典超咸史達斯主場迎戰艾夫斯堡，兩隊各有所求，咸史達斯仍然受到降班威脅，急需要搶分護級，惟有豁去出一博，球隊踢法非常開放，近7場聯賽有6場總入球開出3球或以上。至於艾夫斯堡為爭標而戰，同樣冇退讓空間，相信作客都會採取主攻，最好選擇中位數2.5球嘅入球大。（周二凌晨1時開賽）

咸史達斯排聯賽榜下游，但狀態已經有改善，各項賽事近4仗取得2勝1和1負，其中上仗聯賽作客踢到補時失守，僅以2比3不敵前列爭標分子赫根，雖敗不辱，亦證明佢哋有能力同強隊鬥攻，增加今仗搶分信心，加上配合地利優勢，無懼同艾夫斯堡駁火。

艾夫斯堡爭標去到盡
另一邊廂，艾夫斯堡現時同馬模、赫根形成爭標三強鼎立局面，餘下7輪聯賽絕對冇失分空間，特別係艾夫斯堡遭遇聯賽2連敗之後，必然搶分心切，對住弱隊咸史達斯，更加會放膽主攻，力爭全取3分而回。事實上，雙方首循環聯賽交鋒，艾夫斯堡先失1球情況下，最終以6比1反勝咸史達斯，今仗碰頭隨時再次合演入球騷。