聽朝阿根廷盃4強戰，小保加硬撼學生隊。小保加狀態低迷，今仗必定先求唔輸，謀定而後動，加上近年碰頭旺半場和，不妨再追。（周四早上8時10分開賽）

小保加今季戰績欠佳，早前專注自由盃而喺聯賽hea踢，搞到兩頭唔到岸，月頭自由盃決賽打到加時輸畀富明尼斯，屈居亞軍，打擊不小，阿根廷盃成為佢哋爭標最後希望，不容再失。
半場經常互交白卷

不過小保加狀態麻麻，各項賽事近5場，法定時間只得1勝3和1負，入得4粒咁大把，箭頭卡雲尼忘帶射門鞋，猶幸防守尚可，因此多會先求穩守，上述5戰有4次半場互交白卷，相信今場會照辦煮碗。

另邊廂，學生隊雖然近4場取得3勝1和佳績，但3場勝仗全部都係小勝1球，加上近年對小保加只係平分秋色，未佔上風，今場相信亦不敢輕舉妄動。翻查紀錄，雙方近5次交手，有4次開半場和，預計比賽初段會處於膠着狀態，半場和值得追多鋪。