馬模有前冇後大盤拉唔住

同晚另一場歐聯附加賽首回合賽事，由馬模主場火併布拉格斯巴達。馬模一向有前冇後，主場出擊必定狂攻搶先機，不過布拉格斯巴達亦唔易啃，鬥攻格局實多波入，3.5球入球大咪錯過。（Now 639周四凌晨3時直播）

瑞典超「1哥」馬模，於上圈歐聯惡鬥PAOK，兩回合激和5比5，尤其係次回合馬模鬥到補時先至扳平，去到加時再靠安達斯基斯坦臣建奇功，才險勝6比5晉級，非常誇張。馬模打法進取，單計近4場歐聯便狂轟12粒，但亦失番9球，全開4球或以上，絕對是入得又失得，充滿娛樂性，一定趁住今場主場之利搶攻，希望取得領先優勢。

布拉格斯巴達無懼駁火
另邊廂，捷克勁旅布拉格斯巴達都唔係善男信女，佢哋各項賽事近9場錄得8勝1和未輸過，並且攻入22球，不但喺聯賽排緊榜首，單計歐聯近4場錄得3勝1和，共入10粒，包括上圈兩回合以4比3淘汰布加勒斯特星隊，連場報捷下，斯巴達依家信心爆晒棚，今仗就算作客亦唔怕同你鬥攻，隨時合演入球騷，3.5球大盤係明智之選。文:法達斯維